سيتروين c5 اير كروس 2020 (سعر و مواصفات والفئات والعيوب والمميزات ) في مصر والسعودية

ان شاء الله هنتكلم مع بعض عن سيتروين c5 اير كروس والفتره الجايه هنبدأ ننزل ريفيوهات عن العربيات الزيرو والمستعمله ..وبأذن الله تكون مفيده لحضراتكم، ريفيو انهارده هيكون عن ستروين c5 اير كرووس وهيكون مختصر لسهولة القراءه.

مواصفات سيتروين c5 اير كروس

ستروين c5 من فئة العربيات الSUV ، وبلد المنشأ فرنسا موقع الشركة citroen ، موتور 1600 cc تربو 165 حصان 16 صباب 4 سلندر، فتيس اتوماتيك 6 سرعات، ارقام العربيه وفقا لكلام الوكيل تسارع العربيه من صفر ل 100 ك م فى 8.9 و السرعه القصوى 205 ك م فى الساعه …وسعة تانك البنزين 53 لتر ومعدل استهلاك الوقود 6.4 لكل 100 ك م .،

فئات سيتروين c5 اير كروس

في ستروين نازلة ب 3 فئات.

الفئه الاولى ….

باور …تكييف يدوى …4 زجاج كهرباء …كمبيوتر رحلات بشاشه 4.5 بوصه …تاره مالتى ومتحركه و مزوده بشيفتات …مثبت سرعه …شاشه تاتش 8 بوصه ..مدخل USB …بلوتوث…راديو … شحن الموبايل واير لس…فوانيس شبوره امامى وخلفي …مرايات كهرباءواشارات فى المرايات .. سينسور بارك خلفي …جنوط اسبور مقاس 17 بوصه …4 ايرباج … فرامل ABS …ثبات اليكترونى ESB …
ايمبوليزر …مراقبة ضغط الهواء فى الكاوتش … اضاءه عاديه للفوانيس (وبعض الكماليات الاخرى )….

الفئه التانيه ….

نفس مواصفات الفئه الاولى بالاضافه الى…
فرش الكراسي مطعم بالجلد …بصمه… فتحة سقف بانوراما …عدادات ديجيتال ..مراية صالون تعتيم …سينسور بارك أمامى ..مرايات ضم واضاءه عند فتح العربيه …جنوط اسبور مقاس 18 بوصه ….سينسور فى المساحات …تكييف دويل زون …نظام اضاءه Full LED ….(وبعض الكماليات الاخري )

الفئه التالته …

ف نفس كماليات الفئتين السابقتين بالاضافه الى ..
كراسي جلد و كهرباء ومساج …فتح الشنطه بوضع القدم تحت الاكصدام …تعديل المرايات اتوماتيك عند الرجوع للخلف … جريب كنترول …اكتيف سيفتى بريك …هيل اسيست
نظام تعديل السياره عند الخروج عن المسار …كاميرا مزوده بمساحة تسجيل ..(وبعض الكماليات الاخرى )….
مميزات وعيوب ستروين ( ك انطباع مبدائي )

مميزات وعيوب سيتروين c5 اير كروس

اهم مميزات العربية هي خامات جيده …وصالون شيك الى حد كبير وسائل امان ممتازه فى كل فئاتها ، اوبشنز كويس خصوصا فى الفئتين التانيه والتالته  ، ارتفاع عن الارض كويس، صالون واسع .

اما من اهم عيوبه قطع غيار لسه مش منتشره ..
..اداء الوكيل ضعيف نوعا ما ..واسعار قطع الغيار عاليه نوعا ما
..صيانات صعبه خارج التوكيل ..
..ظهر مع بعض الملاك عيوب فى الطنابير والشاشه ولكن الى الان نقدر نقول انها عيوب فرديه …

ابعاد العربيه

الطول 4500 مم..
ارتفاع 1655 مم..
عرض 1968 مم..
طول قاعدة العجلات 2730 مم..
الخلوص عن الارض 23 سم ..

أسعار سيتروين c5 اير كروس الرسميه

الفئه الاولى (لايف) 404 الف جنيه .
الفئه التانيه (فيل) 464 الف جنيه .
الفئه التالته (شاين) 519 الف جنيه .

اسعار ستروين C5 في مصر ، أسعار ستروين C5 2020 ، عيوب ستروين C5 2020 ، ستروين C5 الفئة الاولى ، مواصفات سيتروين C5 Aircross ، سعر ستروين C5 في السعودية ، ألوان سيتروين C5 ، ألوان سيتروين C5